O XXVIII Festival de Jazz Primavera do Café Latino de Ourense xa ten programación para 2026. A nova edición reunirá sete concertos entre o 6 de maio e o 1 de xuño, todos eles no Café Latino de Ourense e con inicio previsto ás 22:30 horas.
O ciclo mantén a súa aposta por unha programación diversa, con jazz, flamenco-jazz, latin jazz, sons cubanos e nomes internacionais. Unha axenda compacta, pero con músculo artístico suficiente como para marcar varias noites clave no calendario cultural de Ourense.
Programación do Festival de Jazz Café Latino Ourense 2026
Descargar programa
| Data | Artista / Proxecto | Hora | Lugar |
|---|---|---|---|
| Mércores, 6 de maio | Javier Colina Quartet | 22:30 | Café Latino |
| Mércores, 13 de maio | Jorge Pardo Trío | 22:30 | Café Latino |
| Martes, 19 de maio | Josemi Carmona Quinteto | 22:30 | Café Latino |
| Xoves, 21 de maio | Cucurucho Valdés – Homenaxe a Bebo | 22:30 | Café Latino |
| Luns, 25 de maio | Adrian Cunningham Quartet | 22:30 | Café Latino |
| Xoves, 28 de maio | Ariel Brínguez | 22:30 | Café Latino |
| Luns, 1 de xuño | Dave Weckl / Tom Kennedy Project | 22:30 | Café Latino |
Sete concertos para unha edición con moito rango estilístico
A edición de 2026 non se limita a unha soa liña estética. O cartel abre con Javier Colina Quartet, unha proposta con peso específico dentro do jazz español, e continúa con Jorge Pardo Trío, un dos grandes nomes asociados á evolución do flamenco-jazz.
O 19 de maio será a quenda de Josemi Carmona Quinteto, unha cita especialmente atractiva para quen segue a conexión entre guitarra, flamenco e linguaxe jazzística contemporánea.
O bloque central do festival terá un claro protagonismo cubano, con Cucurucho Valdés e a súa homenaxe a Bebo Valdés o 21 de maio, ademais da actuación de Ariel Brínguez o 28 de maio.
Peche internacional con Dave Weckl e Tom Kennedy
O festival finalizará o 1 de xuño co Dave Weckl / Tom Kennedy Project, unha das citas internacionais máis potentes da programación.
Para afeccionados ao jazz fusión, á batería, ao baixo eléctrico e ao alto rendemento instrumental —si, aquí vénse xogar en Champions— esta será unha das noites máis sinaladas.
Café Latino: formato próximo e programación con criterio
Un dos elementos diferenciais do Festival de Jazz do Café Latino é o seu formato. Fronte a outros ciclos máis masivos, a proposta ourensá conserva unha escala próxima, onde o público pode vivir o concerto cunha relación directa co escenario.
Este modelo ten valor engadido: permite gozar de músicos de primeiro nivel nun contorno íntimo, cunha escoita máis concentrada e unha atmosfera que favorece a conexión entre artista e audiencia.
Información práctica
Festival: XXVIII Festival de Jazz Primavera do Café Latino de Ourense
Datas: do 6 de maio ao 1 de xuño de 2026
Número de concertos: 7
Hora: 22:30
Lugar: Café Latino, Ourense
Organiza: Café Latino
Colaboran: Fundación Florencio Álvarez e Estrella Galicia
Por que paga a pena asistir?
Porque é unha oportunidade para ver en Ourense unha programación que mestura tradición, oficio, risco e nomes de referencia. O festival mantén unha identidade moi clara: jazz en formato próximo, sen artificios innecesarios e cun cartel pensado para un público que quere algo máis ca música de fondo.
A proposta tamén ten un impacto relevante na cidade. Este tipo de citas contribúen a reforzar a imaxe de Ourense como destino cultural, dinamizan a axenda local e consolidan o Café Latino como un espazo de referencia para a música en directo.
