Fernando Quesada

Ourense, 27/08/1933 – Vigo, 17/06/2016
É un dos humoristas gráficos galegos e españois máis relevantes dos últimos 50 anos. A súa colaboración diaria no Faro de Vigo durante medio século ten poucos paróns na prensa española e fixo que se convertese, durante as décadas de 1970 e 1980, no humorista gráfico máis popular en Galicia. 
Colaborou dende 1964 e durante cinco lustros no mellor da prensa de Madrid: Arriba, Pueblo, ABC, La Codorniz, Cambio 16, ou Interviú. 
Foi o primeiro humorista gráfico español que caricaturizou a membros do Goberno en activo despois da Guerra Civil.