O secretario da Fundación Florencio Álvarez, Marco Vázquez, renovaba onte o compromiso de apoio á Asociación de Familiares de Enfermos de Alzhéimer de Ourense (Afaor), para o seu programa de voluntariado, entregando á entidade un cheque de 3.000 euros.
Este diñeiro servirá tanto para cubrir os gastos de autobús ou gasolina para os desplazamentos destes voluntarios ás casas dos enfermos, como para sufragar campañas de captación e os gastos derivados da organización deste departamento do colectivo, como os cursos de formación.
A presidenta da entidade, Ángeles Blanco, explicaba onte que o labor que realizan os voluntarios de Afaor «e fundamental tanto no apoio ós talleres que se realizan dentro o centro no que atendemos a máis dun centenar de usuarios, como na axuda para respiro dos cuidadores destas persoas que en ocasións chegan a estar moi saturados e precisan axuda na casa, debido ó dura e absorbente que é esta enfermidade», recordaba.
