O Festival de Jazz de Primavera chega aos seus quince anos de existencia e celebrao cun programa que dende a organización califican como «o mellor de todas as edicións que se levan feito ata o de agora». Así o manifestou onte Eduardo Rodríguez, do Café Latino, á hora de presentar o programa en compañía de Marco Vázquez, secretario da Fundación Florencio Álvarez, e Isabel Pérez, concelleira de Cultura. O organizador do festival e os representantes dos organismos que apoian a iniciativa deron a coñecer oprograma no Auditorio de Ourense.
Os sete concertos que compoñen este ano o Festival de Jazz de Primavera comenzarán o vindeiro día 5 coa actuación de Jorge Pardo. O máximo exponente do «flamenco-jazz» estará no Latino acompañado por Francis Posé (contrabaixo) e José Vázquez Roper (batería).
